شاب مصري، طالب في كلية هندسة/ جامعة حلوان، انتحر
النهاردة، رمى نفسه من فوق "برج القاهرة"؛ على ارتفاع 187 متر بسبب مروره بأزمة نفسية شديدة ومروره بحاله اكتأب. إنه بلغ صديقه قبلها بأيام إنه بيفكر في الانتحار.
الكل يتجاهل التعامل بجدية مع إصابة شخص مقرب منه بمرض نفسي إلا بعد ما الشخص يؤذي نفسه فعلًا.. الوضع بقى مخيف.
نصيحه لو قاللك صحبك انه يفكر في الانتحار.
لو صديقك قالك إن عنده افكار انتحارية متسيبوش، خليك جنبه بالطريقة اللي تقدر عليها، لغاية ما يبدأ علاج نفسي.. متسيبوش بعض لليأس، اليأس بداية الموت.. محدش بينتحر إلا لو فكر في ده ١٠٠ مرة قبل ما يكون نفذه.. فيه فكرة شائعة عن إن اللي بيقول للناس إنه بيفكر في الانتحار شخص لن هينفذ ده، وعلميًا ثبت إن ده غلط، اللي بيقول للي حواليه إنه بيفكر ينهي حياته هو شخص مؤهل جدًا لتنفيذ كلامه في وقت ما، مش بيهوّش، لا ده بيستغيث، بيطلب المساعدة، قبل يجي وقت ويزهق وييأس، والله أعلم الوقت ده هيجي امتى، خصوصًا لو اللي حواليه سايبينه يحارب ويتهزم ويقع ويقوم لوحده ضد الاكتئاب.
محدش بيختار الموت بسهولة، إلا بعد ما يحاول ١٠٠ مرة يطلب المساعدة من كل اللي حواليه، بس غالبًا بينفذ بعد ما يتخذل منهم.
مما لا شك أن نادر مخطي بما فعله متمنيا الرحمن أن يتغمده برحمته وان يغفر له ويسكنه فسيح جناته.